الاشتراك في:
تعليقات الرسالة (Atom)
-
أيها الأرق ... * من جواهر الجواهري وأروع القصيد وقد قدمها الشاعر بمقدمة جميلة يحكي بها بعضاً من معاناته وترابطها مع قصائده.* نظمت في براغ...
-
قول نحن عشاق مظفر النواب نقول للكبير مظفر ستبقى سيدي متربعا في واحات قلوبنا المتعطشه لصوتك المترع بالدفء والفرادة اما اذا شاء الله وانتقل...
معيط: اي مؤامرة وهو هم جان مشارك بيها.
شعيط: شلون؟
معيط: اذا الجيش ما اشتبك اصلا، وانسحب بالاتفاق مع جهات سياسية مثل ما يكول، لعد هو شنو جان طرطور؟ لو يشتغل صحفي ينقل اخبار؟ مو جان قائد عام للقوات المسلحة؟
شعيط: اي بس هو جان ببغداد.
معيط: اي جان ببغداد، والقادة مالته اللي انسحبوا لوين انسحبوا؟ مو اجو هنا لبغداد؟ ليش ما عاقبهم اذا هو ما مشترك وياهم بالمؤامرة؟ بعدين هو منو جابهم سواهم قادة على الجيش العراقي؟ مو هو الفهيم لكونه قائد عام للقوات المسلحة؟ شوف العبادي بس شوية سوة تغييرات بالقيادات مال الجيش رجعت امرلي والعظيم وجرف الصخر وبيجي، وداعش يومية تتراجع مع انه العبادي صارلة جم شهر بس، وذاك الفهيم بقى 8 سنوات يبني بجيش طلع جيش فاشل، جرف الصخر جانت ساقطة من 2003، المالكي 8 سنوات ما عرف يرجعها. ولو باقين عليه يجوز هسة بغداد هم جان سقطت.
شعيط: اي بس جرف الصخر والعظيم وغيرهن رجعن بمساهمات الحشد الشعبي مع الجيش.
معيط: اي يعني عندنا زلم تحارب وهمة هسة حشد شعبي، المالكي من جان يبني جيش 8 سنوات ما عرف يجيب هذولة الزلم يبني بيهم الجيش؟ يعني عبود كنبر احسن لو هادي العامري؟
شعيط: طبعا هادي العامري.
معيط: لعد ليش المالكي يبني الجيش ويصرف عليه 8 سنوات بعبود كنبر وجماعته؟ ليش ما بناه وصرف عليه بابطال الحشد الشعبي؟
شعيط: ما ادري
معيط: حتى ما تناقشني من اكللك هو مشترك بالمؤامرة.